ეს დრო ფრიად მნიშვნელოვანია გინეკოლოგთან ვიზიტისათვის. ექიმი თითებით მოახდენს თქვენი მუცლის პალპაციას, რათა გაიგოს საშვილოსნოს ფუძის დგომის სიმაღლე, როგორც ადრე ითქვა საშვილოსნოს ფუძე მისი ყველაზე უფრო მაღლა მდებარე ნაწილია. ამ პარამეტრით ექიმი ადგენს ნაყოფის ზრდის ტემპს და თუ რაიმე სერიოზული გადახრაა, შესაბამის ზომებს მიიღებს.
ამ ვადაზე ფიზიოლოგიურად მიმდინარე ორსულობისას თქვენი გეგმა შემდეგნაირია:
გინეკოლოგთან ვიზიტი
ნაცხის ანალიზი
სისხლის საერთო ანალიზი
შარდის საერთო ანალიზი
ექოსკოპია
ექოსკოპიური კვლევა ამ ვადაზე უაღრესად მნიშვნელოვანია! სწორედ ახლა დგინდება ხომ არ აქვს ადგილი ნაყოფის ზრდაში ჩამორჩენას და ხდება ორსულების დაყოფა რისკის ჯგუფებად.
ამ დროისათვის თქვენ უკვე იგრძნობთ ბრეკსტონ–ჰიგსის შეკუმშვებს. მარტივად რომ აგიხსნათ, თუ მუცელზე ხელს დაიდებთ, შეიძლება შეიგრძნოთ კუნთის შეკუმშვები, რომელიც აქამდე არ გიგრძვნიათ. ეს თქვენი საშვილოსნოს კუნთები "ვარჯიშობენ" და "ძალებს სცდიან". ქალის ცხოვრებაში საშვილოსნო უზარმაზარ როლს თამაშობს, მაგრამ ხშირად "ჩრდილში რჩება". ორსულობა კი ის მომენტია, როდესაც იგი ყურადღებას იქცევს.
თქვენი პატარას ფრჩხილები უკვე მთლიანად ფორმირებულია. თმები, რომლითაც მისი ტანია დაფარული ცოტათი გამუქდა, ნაწლავებში პირველი განავალი ჩნდება (მეკონიუმი)
ნაყოფის წონა ამ კვირაში უკვე 510 გრ–ის ახლოსაა.
მასალა მოგვაწოდა medea.ge
