მარდალეიშვილის სამედიცინო ცენტრმა პირველ საერთაშორისო სიმპოზიუმს უმასპინძლა
2018 წლის 8 სექტემბერს, სასტუმრო ჰოლიდეი ინნ-ში, "მარდალეიშვილის სამედიცინო ცენტრი"-ს ორგანიზებით, პირველი საერთაშორისო სიმპოზიუმი ჩატარდა თემაზე: "რეპროდუქციული მედიცინის ახალი მიმართულებები ონკოლოგიაში".
სიმპოზიუმზე მოხსენებით წარსდგნენ მსოფლიოს წამყვანი მეან-გინეკოლოგები და რეპროდუქტოლოგები ისრაელიდან, რომლებმაც თავიანთი ცოდნა და გამოცდილება გაუზიარეს ქართველ ექიმებს ონკოლოგიურ პაციენტებში ფერტილობის შენარჩუნების შესახებ.
ქართველ მეან-გინეკოლოგებს, რეპროდუქტოლოგებს, ენდოკრინოლოგებს, კლინიკურ ონკოლოგებს, ანდროლოგებს, რადიოლოგებს, უროლოგებს და ქირურგებს საშუალება ჰქონდათ, უფასოდ დასწრებოდნენ სიმპოზიუმს, მიეღოთ მათთვის საჭირო ინფორმაციები, რეკომენდაციები და გაცნობოდნენ საერთაშორისო გამოცდილებას.
