როდის იკრძალება მსუყე საკვების მიღება
ბუნებამ საჭმლის მომნელებელი სისტემა დააპროგრამა შერეული საკვებისთვის. კუჭსა და ნაწლავებში გამომუშავებული ფერმენტების ჯგუფი იწყებს საკვების დაშლას. როცა ადამიანი იღებს ერთფეროვან საკვებს მკაცრად განსაზღვრული თანმიმდევრობით, ორგანიზმი იწყებს „გაზარმაცებას“ და მხოლოდ ის ფერმენტი გამოიყოფა დიდი რაოდენობით, რომელიც აუცილებელია ამ ერთი სახეობის საკვების დასაშლელად. დროთა განმავლობაში, ეს „სიზარმაცე“ ძლიერდება ისე, რომ ნებისმიერი გადახვევა ერთფეროვანი საკვებიდან აღიქმება, როგორც კატასტროფა და „ზარმაცი“ კუჭი შერეულ საკვებზე უარს ამბობს. ასეთივე მექანიზმი მოქმედებს ხანგრძლივი შიმშილობის დროსაც. ერთფეროვანი, არაკალორიული საკვების შემდეგ, მრავალფეროვანი, მსუყე საკვების მიღება არ არის რეკომენდებული, რადგან ფერმენტთა უკმარისობის გამო მრავალფეროვანი პროდუქტის გადამუშავება ვერ ხერხდება ორგანიზმის მიერ.
