სამედიცინო პორტალი

ბრიტანელი ფსიქოლოგები მივიდნენ დასკვნამდე, რომ სმარტფონები, პლანშეტები და სხვა ელექტრონული გაჯეტები ბავშვებს ძილის პრობლემას უქმნის.
სტატია ამ ფაქტის შესახებ ჟურნალში JAMA Pediatrics- ში გამოქვეყნდა.

„ყველა მშობელს ვურჩევთ, მონახონ გზა, როგორ შეუზღუდონ შვილებს გაჯეტების მოხმარების დრო. ამაში კი მშობლებს პედიატრები და მასწავლებლები უნდა დაეხმარონ," – ამბობს ლონდონის სამეფო კოლეჯის პროფესორი ბენ კარტერი.

კარტერმა და მისმა თანამშრომლებმა დასკვნა ათობით კვლევის გაცნობის შემდეგ გამოიტანეს, კვლევებში 125 ათასზე მეტი ბავშვი მონაწილეობდა, 7-დან 17 წლამდე.
კვლევების ავტორები აღნიშნავენ,რომ ხშირად მშობლები ბავშვებს ნებას რთავენ, ელექტრონული მოწყობილობები საწოლ ოთახშიც კი შეიტანონ.

დაკვირვების შედეგად ნათელი გახდა, რომ ბავშვები რაც უფრო მეტ დროს ატარებენ პლანშეტებთან თუ სმარტფონებთან, მეტად უჭირთ დაძინება.